Расійскія жаўнеры знішчаюць лодкі, каб пазбегнуць удзелу ў штурме выспаў на Дняпры, паведаміў рух супраціву

Салдаты наўмысна прабіваюць гумовыя пантоны, а нават перадаюць каардынаты ўкраінскаму боку.

Украінска-татарскі рух супраціву «Атеш»

https://t.me/s/atesh_ua/скрыншот

Расійскія жаўнеры пашкоджваюць і знішчаюць лодкі, каб пазбегнуць удзелу ў шторме на выспы ў дэльце Дняпра ў часткова акупаванай Херсонскай вобласці на поўдні Украіны, паведаміў у аўторак украінска-татарскі рух супраціву «Атеш».

Агент руху «Атеш»  у складзе ВС РФ на Прыдняпроўскім кірунку фронту паведамляе, што сярод расійскіх вайскоўцаў расце колькасць выпадкаў сабатажу, накіраваных на пазбяганне адпраўкі на штурм выспаў у дэльце Дняпра. Салдаты наўмысна прабіваюць гумовыя пантоны і нават перадаюць каардынаты Сілам абароны Украіны.

Вядома, што ў 126-й асобнай брыгадзе берагавой абароны ВС РФ зафіксаваны тры расследаванні, звязаныя з сабатажам сярод жаўнераў. Для расійскага камандавання гэта стала сапраўднай праблемай.

Украінскія СМІ нагадваюць, што нядаўна кіраўнік вайсковага ўпраўлення падкантрольнай Украіне часткі Херсонскай вобласці Аляксандр Пракудзін у адным з інтэрв'ю заявіў, што расіяне рыхтуюцца наступаць на гэтым участку фронту. Чыноўнік папярэдзіў, што расійскія сілы сабралі 300 катэраў для наступу на другі бераг Дняпра, які застаецца пад кантролем украінскага боку.

PAP/аз