Тысячы рабочых з Паўночнай Карэі летась былі накіраваны на будаўнічыя аб'екты па ўсёй Расіі, паведамяле паўднёвакарэйскае інфармагенцтва Yonhap са спасылкай на Нацыянальную разведслужбу Рэспублікі Карэі.
Удакладняецца, што гэта з'яўляецца парушэннем рэзалюцыі Савета Бяспекі ААН, прынятай у сувязі з выпрабаваннямі ўзбраенняў, якія праводзяцца Пхеньянам і забараняе КНДР адпраўляць сваіх грамадзян на працу за мяжу. У адпаведнасці з гэтым дакументам усе паўночнакарэйскія рабочыя, якія знаходзіліся за мяжой, павінны былі вярнуцца на радзіму да снежня 2019 года.
Між тым грамадзяне КНДР прыязджаюць на працу ў Расію, як мяркуецца, пад выглядам студэнтаў, лічаць у Сеуле. Паводле Расстата, на які спасылаецца Yonhap і Radio Free Asia, у 2024 годзе ў РФ заехаў 13221 студэнт з КНДР. Гэта ў 12 разоў больш, чым годам раней.
У той жа час, паводле звестак Сеулу, Пхеньян накіроўвае ў Расію і ваенных для ўдзелу ў вайне супраць Украіны. Каля 11 тысяч паўночнакарэйскіх салдат былі перакінуты ў Курскую вобласць РФ дзеля ўдзелу ў баях з перадавымі часткамі УС Украіны.
pap/dw/эж