«Украінскі народ так моцна пацярпеў — напрыклад, расійская атака ў Вербную нядзелю ў Сумах», — напісаў кіраўнік NATO на сайце X, маючы на ўвазе расійскую атаку на Сумы ў гэтую нядзелю, у выніку якой загінулі 35 мірных жыхароў.
«Падтрымка НАТА непахісная. Мы працягнем дапамагаць Украіне абараняцца сёння і стрымліваць агрэсію ў будучыні, забяспечваючы справядлівую і мірную будучыню», — дадаў ён.
Зяленскі разам з кіраўніком НАТА наведаў шпіталь, дзе знаходзяцца параненыя ўкраінскія абаронцы. Палітыкі пагутарылі з вайскоўцамі, а Зяленскі ўручыў узнагароды салдатам і медыкам.
Адэса — важны партовы горад на Чорным моры. Адэская вобласць не кантралюецца расійскай арміяй, але Адэса зведвае абстрэлы і бамбардзіроўкі расійскіх войскаў з самага пачатку ўварвання.
Паводле PAP/вх