«Я сустрэўся з прэзідэнтам Францыі Эмануэлем Макронам. Абмяркоўвалася далейшая падтрымка Украіны. Асаблівая ўвага была нададзена супрацоўніцтву ў сферы бяспекі і магчымым формам гарантый бяспекі Украіны і астатняй Еўропы. Мы разлічваем на падтрымку Францыі ў працэсе перамоваў з ЕС аб далучэнні», — сказаў Зяленскі.
Украінскі прэзідэнт таксама падзякаваў прэзідэнту Францыі за падтрымку Украіны і вайсковую дапамогу. З пачатку поўнамаштабнага расійскага ўварвання Францыя аказала абарончую падтрымку на 6 мільярдаў еўра.
У панядзелак лідары абедзвюх краін прынялі ўдзел у галоўнай цырымоніі, прысвечанай 80-й гадавіне вызвалення Аўшвіц-Біркенаў. У цырымоніі прынялі ўдзел 56 выжыўшых і прадстаўнікі з 61 краіны, у тым ліку: брытанскі кароль Карл III, прэзідэнт і канцлер Германіі Франк-Вальтэр Штайнмаер і Олаф Шольц і прадстаўнікі міжнародных арганізацый.
ав