Інстытут нацыянальнай памяці запрашае на ўрачыстае адкрыццё выставы «Сцены таталітарызмаў. Польшча 1939–1945»( Between the Walls. Poland under totalitarian regimes 1939–1945), якое адбудзецца 22 жніўня а 12.00 на плошчы Юзафа Пілсудскага ў Варшаве.
ІНП падрыхтаваў згаданую выставу да 80-годдзя пачатку Другой сусветнай вайны. Ганаровым патронам выставы з'яўляецца прэзідэнт Польшчы Анджэй Дуда.
Выстава пад адкрытым небам мае форму інсталяцыі і прэзентуецца ў дзвюх прасторавых канфігурацыях. У візуальным, мастацкім і змястоўным плане яна закранае тэму гісторыі двух таталітарызму: Трэцяга Рэйха і Савецкай Расіі. Лейтматывам з’яўляецца пачатак Другой сусветнай вайны, яе трагічныя наступствы і барацьба палякаў за свабоду з двума акупантамі.
Тэксты і фотаздымкі, размешчаныя на знешніх стэндах-сценах інсталяцыі, паказваюць драматычныя рэаліі вайны.
Стэнд, прысвечаны нямецкай акупацыі, паказвае пераслед мірных жыхароў, польскую падпольную дзяржаву, польска-яўрэйскія адносіны, Варшаўскае паўстанне, Узброеныя сілы Польшчы на Захадзе.
На сцяне, прысвечанай савецкай акупацыі, адлюстраваныя дэпартацыі, Катынь, савецкія лагеры і эпас арміі Андэрса, а таксама ялцінскія дамоўленасці, якія санкцыянавалі ўсталяванне камуністычнага рэжыму ў Польшчы.
На стэндах змешчаныя цытаты з успамінаў пра вайну і фотаздымкі, якія тычацца паўсядзённага жыцця падчас акупацыі, звязанага з рэпрэсіямі і злачынствамі.
На стэндах змешчаныя тэксты на польскай, англійскай, рускай і нямецкай мовах.
Выстава будзе адкрыта на плошчы Пілсудскага да 30 верасня 2019 года.
аз