Эксперты: Набліжаецца крызіс у жыллёвым будаўніцтве

На думку экспертаў, рынкавая кан'юнктура для жыллёвага будаўніцтва неспрыяльная і цягам бліжэйшага паўгода яна будзе пагаршацца.

Будаўніцтва.

Photo:MichaelGaida/pixabay.com/CC0 Public Domain

Пасля ліпеньскай стагнацыі жнівень прынёс невялікі рост коштаў кватэр у Польшчы, але ў Варшаве і іншых буйных гарадах было крыху танней. Эксперты «Cenatorium» прагназуюць далейшае падзенне цэнаў і змяншэнне прапановы, паведамляе «Puls Biznesu».

На думку 70 % экспертаў, рынкавая канʼюнктура для жыллёвага будаўніцтва неспрыяльная і цягам бліжэйшага паўгода яна будзе пагаршацца. Толькі 8% экспертаў спадзяецца на паляпшэнне канʼюнктуры на рынку.

«Cenatorium» паказвае на пагаршэнне спажывецкіх настрояў, у першую чаргу адносна будучыні. «Страх страціць працу расце. На працягу пяці месяцаў паказчык фінансавай актыўнасці( анг. Purchasing Managers Indeks) для польскай прамысловасці быў адмоўны, а рост коштаў вытворчасці і коштаў на энерганосьбіты можа ў бліжэйшыя месяцы прывесці да прыкметнага запаволення або нават стагнацыі прамысловасці», паведамляе «Puls Biznesu».

Газета нагадвае, што паводле дадзеных Галоўнага статыстычнага ўпраўлення, у жніўні фіксавалася зніжэнне двух найважнейшых паказчыкаў у жыллёвым будаўніцтве – колькасці кватэр, якія будуюцца, і выдадзеных дазволаў на будаўніцтва. Гэта прывядзе да абмежавання прапановы ў бліжэйшыя месяцы, а нават цягам бліжэйшых 2-3 гадоў.

аз