Польшча — адна з нямногіх краін Еўрасаюза, якая яшчэ не мае нацыянальнай роварнай стратэгіі. Паводле апошняй справаздачы Еўрапейскай федэрацыі веласіпедыстаў, акрамя Польшчы, толькі ў Эстоніі не распрацаваны дакумент, які павінен прадстаўляць бачанне веласпорту і яго мэты.
– Нацыянальная веласіпедная стратэгія – гэта інструмент, які дапаможа мясцовым уладам раскрыць патэнцыял устойлівай мабільнасці і павялічыць колькасць веласіпедных паездак не толькі для адпачынку, але і для паўсядзённага транспарту, – кажа Пётр Бараўскі, віцэ-прэзідэнт Гданьска, кіраўнік каманды мабільнасці Саюза польскіх мітраполіяў. – Гэта таксама дазволіць каардынаваць дзейнасць па ўсёй краіне ў частцы ўзгодненасці міжабласных маршрутаў, іх адзінага стандарту і разметкі. Сёння з-за адсутнасці міжмуніцыпальнага супрацоўніцтва элементы роварнай інфраструктуры адрэзаныя на межах асобных муніцыпалітэтаў.
Францішак Стэрчэўскі, старшыня парламенцкай групы роварнага транспарту, мяркуе, што стратэгія павінна быць арыенцірам для ўрада для мабілізацыі ваяводстваў.
– Мы павінны пакласці канец падзелу паміж раёнамі, калі гаворка ідзе пра ўстойлівы транспарт. Калі б мы гэтак жа ставіліся да аўтамабільнай інфраструктуры, то ў нас было б тры ваяводствы з аўтастрадамі, а астатнія з гравійнымі дарогамі, парослымі пустазеллем, –кажа Стэрчэўскі.
Dziennik Gazeta Prawna/вх