Упраўленне чыгуначнага транспарту нагадвае пасажырам пра іх правы

У выпадку цягнікоў далёкага накіравання, правілы пасажыраў рэгулююцца правіламі ЕС.

Ілюстрацыйны здымак.

фота: Pixabay.com/652234

Пасажыры спозненых цягнікоў маюць права на рэкламацыю і кампенсацыю. Упраўленне чыгуначнага транспарту нагадвае, што асобы, якія маюць агаворкі адносна праезду цягніком, могуць звяртацца са скаргай да перавозчыка.

Прэс-сакратар Упраўлення чыгуначнага транспарту Тамаш Франкоўскі(Tomasz Frankowski) сказаў, што ў выпадку цягнікоў далёкага накіравання такія сітуацыі рэгулююцца правіламі ЕС:

- Калі наш цягнік спазняецца больш за 60 хвілінаў, то пасажыры маюць права на кампенсацыю ў памерты 25 працэнтаў цаны білета. Калі цягнік спознены больш за 120 хвілінаў, то кампенсацыя складае палову цаны білета. Зразумела можна патрабаваць кампенсацыі таксама паводле агульных правілаў Грамадзянскага кодэкса.

Тамаш Франкоўскі нагадаў, што пасажыры маюць права не толькі на кампенсацыю за спазненне цягніка:

- У выпадку цягнікоў далёкага накіравання, калі спазненне перавышае 60 хвілін, перавозчык павінен гарантаваць пасажырам напоі і харчаванне, якія адпавядаюць часу спазнення. Калі ў цягніку не дзейнічаў кандыцыянер – таксама можна падаць рэкламацыю.

Прадстаўнік Упраўлення чыгуначнага транспарту дадаў, што пасажыры, незадаволеныя разглядам скаргі, якія не жадаюць звяртацца ў суд, могуць звярнуцца да Упаўнаважанага па правах пасажыраў чыгункі, які працуе пры старшыні Упраўлення чыгуначнага транспарту.

IAR/аз