Першы цэнтр квантавых вылічэнняў IBM у Еўропе цяпер працуе ў горадзе Энінген на поўдні Германіі. У цырымоніі адкрыцця ўдзельнічаў, між іншым, сам канцлер Олаф Шольц, бо звышхуткія камп’ютары будуць працаваць і для навукова-даследчых установаў. Тэму працягвае карэспандэнт Польскага радыё Адам Гурчэўскі:
- Квантавыя камп'ютары могуць за некалькі хвілін вылічыць тое, на што традыцыйным камп'ютарам спатрэбіліся б гады - так паясняецца ў мільёны разоў большая магутнасць прылад, якія запісваюць дадзеныя ў кубітах, гэта значыць квантавых бітах. Цэнтр IBM у Энінгене павінен стаць прывабным месцам для вядучых еўрапейскіх кампаній, універсітэтаў і офісаў, а таксама для іншых дзяржаўных структур, у тым ліку навуковых.
У якасці прыкладу кампаніі, якая выкарыстоўвае квантавыя камп’ютары, называецца Bosch. Кампанія, якая займаецца вытворчасцю запчастак для аўтамабіляў шукае новых камбінацый розных матэрыялаў - заменнікаў рэдкіх сыравінаў, якія выкарыстоўваюцца ў вытворчасці, напрыклад, рухавікоў.
IAR/аз