НАТА падтрымлівае суверэнітэт Украіны

У выніку агрэсіі Расіі супраць Украіны, распачатай у 2014 годзе, загінулі больш за 13 тысяч чалавек.

.

Foto: EPA/DAVE MUSTAINE

НАТА рашуча падтрымлівае суверэнітэт і тэрытарыяльную цэласнасць Украіны – запэўніў у аўторак, 6 красавіка ў тэлефоннай размове з прэзідэнтам Украіны Уладзімірам Зяленскім генеральны сакратар блоку Енс Столтэнберг, пішуць на польскім партале Defence24.pl.

«Я патэлефанаваў прэзідэнту Зяленскаму, каб выказаць сур'ёзную заклапочанасць ваеннымі дзеяннямі Расіі ва Украіне і вакол яе і сталымі парушэннямі рэжыму спынення агню. НАТА рашуча падтрымлівае суверэнітэт і тэрытарыяльную цэласнасць Украіны. Мы застаемся вернымі нашаму цеснаму супрацоўніцтву», – напісаў Столтэнберг у сацыяльнай сетцы Twitter.

У Данбасе, дзе ў ліпені мінулага года ўступіў у сілу рэжым спынення агню, з пачатку гэтага года назіраецца павелічэнне напружанасці. У першыя месяцы 2021 года там загінулі 20 украінскіх вайскоўцаў. Тыдзень таму на пазачарговай сесіі Вярхоўнай Рады начальнік Генеральнага штаба Украіны Руслан Хамчак заявіў, што Расія павялічвае колькасць сваіх войскаў уздоўж мяжы з Украінай.

Прэс-сакратар Крамля Дзмітрый Пяскоў заявіў у адказ, што руху расійскіх войскаў не павінны турбаваць іншыя краіны і што Расія перасоўвае свае сілы туды куды, лічыць патрэбным. «Расейская Федэрацыя прымае неабходныя захада для бяспекі сваіх межаў», – сказаў ён.

У выніку агрэсіі Расіі супраць Украіны, распачатай у 2014 годзе, загінулі больш за 13 тысяч чалавек. Пра падтрымку Украіны блокам НАТА пісалі на польскім партале Defence24.pl.

эж