Наш мінскі аглядальнік Уладзімір Падгол падводзіць візіт Святланы Ціханоўскай у ЗША:
1. Візіт Святланы Ціханоўскай у ЗША пачаўся 18 ліпеня. У яе прайшлі сустрэчы на высокім узроўні ў Дзяржаўным дэпартаменце і Белым доме.
2. 27 ліпеня А. Лукашэнка сустрэўся з прэзідэнтам Нацыянальнага даследчага цэнтра «Курчатаўскі інстытут» Міхаілам Кавальчуком.
Якую небяспеку нясе сустрэча Лукашэнкі і Кавальчука?
«Гэта сустрэча, як часта кажуць, можа стаць гістарычнай, таму што яна надасць дадатковы імпульс развіццю ядзерных тэхналогій у Беларусі», – заявіў Аляксандр Лукашэнка. У лютым «Курчатаўскі інстытут »і Нацыянальная акадэмія навук Беларусі заключылі пагадненне аб супрацоўніцтве. Для яго рэалізацыі распрацаваны праект дарожнай карты супрацоўніцтва да 2030 года.
А таксама Падгол адзначае, што:
- Тавараабарот Беларусі з краінамі Еўразвязу ў студзені-маі 2021 года ў параўнанні з такім жа перыядам 2020 года, вырас на 43,6% да 6 млрд 269,2 млн долараў, сведчаць дадзеныя Белстата.
- 9 ліпеня дырэктар МВФ Крысталіна Георгіева анансавала беспрэцэдэнтную выплату ў 650 мільярдаў долараў для пераадолення пост-ковіднага эканамічнага крызісу па ўсім свеце. «МФВ дапаможа кожнай краіне-члену арганізацыі», – сказала яна.
У рамках гэтай раздачы грошай Беларусь таксама павінна атрымаць цэлых 950 мільёнаў долараў. Гэтыя грошы не звязаны і могуць расходавацца «на падтрымку эканомікі» так, як гэтую «падтрымку» разумее атрымальнік, то ёсць беларускі рэжым. Вакол гэтых грошай у гэты момант разгортваецца цэлая гісторыя. Перш за ўсё, амаль мільярд не можа быць атрыманы проста перакладам. Калі казаць проста, то гэта «чэк», які атрымальнік можа абмяняць на фунты, долары ці еўра ў еўрапейскім або амерыканскім банку. Падобна на тое, што гэты «чэк» афіцыйны Мінск атрымае, і з гэтым ужо мала што можна зрабіць. Гэта павінна адбыцца ўжо да канца жніўня.
New York Times піша, што падчас паездкі ў ЗША лідар дэмакратычных сіл С.Ціханоўская і яе каманда «не здолелі пераканаць прадстаўнікоў МВФ адмовіцца ад выдачы грошай Беларусі». Гэта нараджае палітычны аксюмаран: адной рукой Захад заціскае рэжым і пазбаўляе яго эканамічнай падтрымкі, а другой рукой дае велізарны крэдыт для пераадолення сваіх жа намаганняў. Такім чынам, калі не ўдасца спыніць «выдачу чэка», то дзеянні дэмакратычных сіл, можна выказаць здагадку, будуць сканцэнтраваны на тым, каб не дапусціць яго абмену на рэальныя грошы ў заходніх банках.
Слухайце далучаны файл