Міністр абароны Літвы: Лукашэнка трапіў у пастку, якую зладзіў для ЕЗ

«Каля чатырох-пяці тысяч нелегалаў – да гэтага часу блукаюць па лясах Заходняй Беларусі».

Міністр абароны Літвы Арвідас Анусаўскас

Крыніца: printscreen/Delfi

Польскі партал kresy.24 перадрукоўваўе інтэрв'ю літоўскага міністра абароны Арвідаса Анусаўскаса, якое ён даў літоўскаму выданню Delfi.

«Сітуацыі з нашага боку сапраўды стабілізавалася. Цяпер нашы інстытуцыі займаюцца тымі нелегаламі, якія жывуць у Літве. Гэта значыць нам трэба вызначыцца з іх далейшым знаходжаннем, міграцыйная служба афармляе дакументы, правярае іх, праходзяць усе прадугледжаныя для такой сітуацыі працэдуры. А вось з боку Беларусі я б не сказаў, што там сітуацыя стабілізавалася, напэўна, каля чатырох-пяці тысяч нелегалаў – да гэтага часу блукаюць па лясах Заходняй Беларусі, пражываюць ў гасцініцах, і грошы ў іх, мы ведаем, сканчаюцца. Беларускія сілавікі прымусова вязуць іх на мяжу, прымушаюць пераходзіць літоўскую мяжу. Мы, вядома, гэтага не дазваляем. Але, ва ўсякім выпадку, мы бачым, што ў той капкан, які Лукашэнка стварыў для краін Еўразвязу, трапіў ён сам. Што будзе з гэтымі людзьмі, у якой сітуацыі яны апынуцца, я думаю, што гэта пытанне застаецца адкрытым».

Анушаўскас дадаў, што ўзброеныя сілы Літвы абменьваюцца інфармацыяй з Памежнай службай. Ён нагадаў, што працягваецца будаўніцтва плота на мяжы Літвы з Беларуссю. Кожны дзень там паўстае паўкіламетра адмысловага плоту.

эж