2 красавіка 1996 года быў падпісаны Дагавор аб утварэнні Супольнасці Беларусі і Расіі, у адпаведнасці з якім было вырашана стварыць палітычна і эканамічна інтэграваную супольнасць у мэтах аб'яднання матэрыяльнага і інтэлектуальнага патэнцыялу дзвюх дзяржаў. Падпісалі дакумент у Маскве Аляксандр Лукашэнка і Барыс Ельцын.
Саюз працуе і працуе на карысць Расіі, гаворыць палітолаг Павал Усаў:
- Дзякуючы працэсу, які распачаўся ў 1996 годзе, Беларусь страціла сваю геапалітычную суб’ектнасць, нацыянальную адметнасць, яна ўцягнута ў вайну супраць Украіны. У Беларусі пры падтрымцы Расіі рэалізуюцца жудасныя рэпрэсіі нацыянальна-арыентавана грамадства, Беларусь ізаляваная ад захаду. Дзякуючы ўсім гэтым працэсам, у якім Лукашэнка быў пешкай, захаваўся аўтарытарны рэжым, які захоўваецца ўжо на працягу 30 гадоў. Рэжым, які прывёў да разбурэння Беларусі і беларускага грамадства. Таму, калі мы сыходзім з пункту гледжання інтарэсаў Расіі, то гэты саюз, як геапалітычны праект Расійскай імперыі, цалкам рэалізаваўся, цалкам адпавядае інтарэсам і прыярытэтам Расіі. Калі паглядзець на Беларусь, відавочна, на колькі гэты працэс быў разбуральным. Ён прывёў да эканамічнай адсталасці краіны, яна не інтэграваная ў сусветныя эканамічныя працэсы. Гэта прычынілася да дэмаграфічнага крызісу. Ну і самае апошняе: выйсці з яго можна толькі пры ўмове развалу Расіі, як дзяржавы.
Поўны каментар - удалучаным гукавым файле.