Беларуская Служба

Мэра Прагі ахоўвае паліцыя - гісторыя звязаная з дэмантажам помніка маршалу Коневу

28.04.2020 15:54
Пасля таго, як стала вядома пра прыезд у Прагу грамадзяніна Расіі з атрутай, чэшская паліцыя ўзяла пад ахову муніцыпальных палітыкаў.
Zdjęcie ilustracyjne
Zdjęcie ilustracyjneShutterstock.com

Партал Jagiellonia.org паведамляе са спасылкай на чэшскі СМІ, што ў Прагу прыбыў грамадзянін Расіі з дыпламатычным пашпартам, які пры сабе меў рыцыну – бялковую атруту расліннага паходжання, якая ў шэсць тысяч разоў мацнейшая чым цыяністы калій. Адначасова паліцыі Чэхіі ўзяла пад ахову мэра Прагі Здэнэка Гржыба і кіраўніка аднаго з раёнаў чэшскай сталіцы Андрэя Каляржа. Менавіта апошні палітык прыняў рашэнне дэмантаваць у Празе помнік маршалу Савецкага Саюза Івану Коневу, а мэр сталіцы яго падпісаў.

У 1978 годзе ў Лондане быў забіты балгарскі дысідэнт Георгій Маркаў. Як пазней аказалася, яго атруцілі менавіта рыцынай, якая трапіла ў кроў праз укол, зроблены агентам спецыяльным парасонам на вуліцы брытанскай сталіцы.

Пасля таго, як стала вядома пра прыезд у Прагу грамадзяніна Расіі з атрутай, чэшская паліцыя ўзяла пад ахову муніцыпальных палітыкаў, паведамляе партал Jagiellonia.org.

вс

на фота: траса хуткага руху ў Чэхіі