Міністр абароны Польшчы: Навуковая спадчына Ежы Таргальскага яшчэ прынясе плён Польшчы

Марыюш Блашчак падкрэсліў, што яго лекцыі і семінары «былі накіраваныя на ператварэння маладых палякаў з рабоў у свабодных людзей».

Pogrzebowa msza święta Jerzego Targalskiego

PAP/Leszek Szymański

У аўторак, 28 верасня ў Варшаве на Вайсковых могілках Павонзкі быў пахаваны доктара гуманітарных навук, палітолаг, апазіцыйны актывіст у часы ПНР і колішні дырэктара Польскага радыё для замежжа Ежы Таргальскі, пішуць на партале dzieje.pl.

У лісце да ўдзельнікаў развітальнай цырымоніі міністр абароны Польшчы Марыюш Блашчак адзначыў, што Ежы Таргальскі быў выбітным аналітыкам і аўтарам незлічонай колькасці аналітычных прац, «якія рэгулярна траплялі на стол міністра абароны і кіраўнікоў разведкі і контрвыведкі». «Калі ў 1989 годзе Польшча выбіла сабе незалежнасць, ён, адзін з нямногіх, перасцерагаў нас ад арганізаванай Масквой сістэмнай трансфармацыі, замест сапраўднай незалежнасці», – напісаў Блашчак.

Кіраўнік Мінабароны Польшчы адзначыў, што Ежы Таргальскі яшчэ ў часы Варшаўскай дамовы пісаў пра Міжмор'е і пераадольванне трагічнай гісторыі ў стасунках з літоўцамі і ўкраінцамі, аб уваходжанні амерыканскага бізнесу ў Польшчу, а таксама пра пашырэнне НАТА на Усходнюю Еўропу. Міністр дадаў, што ва ўяўленні Ежы Таргальскага праграма барацьбы за польскую незалежнасць грунтавалася на парушэнні стэрэатыпаў, традыцыйных схем мыслення ці поглядаў.

Марыюш Блашчак падкрэсліў, што яго лекцыі і семінары ў Інстытуце даследаванняў Усходняй Еўропы Варшаўскага ўніверсітэту і Цэнтры даследаванняў пытанняў бяспекі Ваеннай акадэміі «былі накіраваныя на ператварэння маладых палякаў з рабоў у свабодных людзей», таму што – як ён казаў, – толькі такія людзі могуць зразумець унутраныя і знешнія і пагрозы для Польшчы ў ХХІ стагоддзі.

«Я ганаруся тым, што ўрад, у які я ўваходжу, мог выкарыстоўваць веды і парады Ежы Таргальскага. Я веру, што вялікая пісьменніцкая спадчына нябожчыка яшчэ прынясе плён польскай незалежнай», – адзначыў міністр абароны Польшчы. Ежы Таргальскі памёр 19 верасня ва ўзросце 69 гадоў.

эж