Слухайце аўдыё!
Адказваючы на пытанне аб магчымым паляпшэнні адносінаў з Беларуссю, прэс-сакратар МЗС Павел Вроньскі падкрэсліў, штоПольшча чакае «першага рэальнага кроку» з беларускага боку. Ён нагадаў, што сярод патрабаванняў польскага боку – спыненне Беларуссю гібрыднай атакі на мяжы і выдача забойцы польскага салдата.
Закранаючы пытанне магчымага прагрэсу ў польска-беларускіх адносінах, прэс-сакратар МЗС сказаў, што міністр замежных спраў Польшчы Радаслаў Сікорскі «паставіў тут умовы раней, яны зразумелыя і дзейнічаюць».
«Гэта канец гібрыднай атакі і падвозу мігрантаў да мяжы. Тут ёсць пэўны прагрэс, і апошнім часам прыток мігрантаў зменшыўся. Другое пытанне – правесці расследаванне забойства польскага салдата», – сказаў Вроньскі.
Вроньскі дадаў, што вядомая таксама пазіцыя Польшчы адносна палітвязняў у Беларусі, у тым ліку Анджэя Пачобута. «Мы чакаем першага рэальнага кроку з беларускага боку», – адзначыў ён.
Падобныя заявы аб магчымым паляпшэнні адносін з Беларуссю казаў напярэдадні і міністр унутраных спраў і адміністрацыі Польшчы Томаш Сямоняк.
Тэма гібрыднай агрэсіі з боку рэжыму Лукашэнкі ў адносінах да Польшчы таксама падымалася напрыканцы чэрвеня падчас візіту прэзідэнта Польшчы Анджэй Дуды ў КНР.
Аналітык Belarus Security Blog, журналіст тэлканалу Bielsat Зміцер Міцкевіч перакананы, што ўлады Польшчы намераны дабіцца поспеху па пытанню вызвалення Пачобута і зніжэння міграцыйнага ціску на мяжы, выкарыстоўваючы ўсе магчымыя сродкі ціску на афіцыйны Мінск:
– Польшчы надакучылі правакацыі Лукашэнкі і Варшава нарэшце вырашыла дзейнічаць жорстка, дабіваючыся вызвалення Анджэя Пачобута спынення міграцыйнага ціску. Яны наўпрост звяртаюцца да Кітаю, маўляў, гэта ваша пачвара і калі яна ваша, зрабіце з ім парадак, бо можам прыкрыць мяжу, у тым ліку, і для кітайскага гандлю.
Гэта вельмі правільны ход, Кітай сапраўды мае рычагі ўплыву на Мінск і Маскву, а пагроза закрыцця беларускай мяды для кітайскага гандлю, прымушае Пекін рэагаваць. (...)
Напярэдадні сам дыктар Аляксандр Лукашэнка заявіў, што Беларусь хоча ўрэгуляваць адносіны з Польшчай, а кіраўнік беларускага МЗС Максім Рыжанкоў сцвярджаў, што Беларусь гатовая да дыялогу з Польшчай па сітуацыі на мяжы. Пры гэтым рэжымны чыноўнікі абвінаваціў польскі бок у нежаданні весці дыялог і выстаўленні палітычных патрабаванняў. У аўторак Лукашэнка заявіў, што гатовы «урэгуляваць адносіны Беларусі з Польшчай і Літвой, але пакуль не бачыць узаемнасці». Пацікавіліся ў Змітра Міцкевіча, ці можна ўспрымаць сур’ёзна падобныя заявы?
– Пакуль што гэта пустыя заявы разлічаныя на замбаваны электарат Лукашэнкі. Польшчы вельмі ясна акрэсліла ўмовы нармалізацыі, агучвае іх пастаянна. Вы пра гэта згадалі падрабязней, а ў Мінску пакуль робяць выгляд, што яны не чуюць, робяць з сябе дурняў. (...)
Намаганні Польшчы па вызваленні Анджэй Пачобута варта разглядаць у больш шырокім кантэксце. А менавіта з нагоды лукашэнкаўскае свята – Дня рэспублікі было вызвалена каля двух дзясяткаў цяжка-хворых палітвязняў.
З просьбай вываліць палітвязняў да Лукашэнкі таксама звярнуліся дзясяткі нобэлеўскіх лаўрэатаў, у тым ліку, Алексіевіч і Муратаў. Аднак Зміцер Міцкевіч перакананы, што звароты нобэлеўскіх лаўрэатаў – гэта апошняе на што будзе звяртаць увагу дыктатар:
– Мне здаецца, што нічога паганага ў гэтым звароце няма. Але Лукашэнка зараз у турме трымае нобэлеўскага лаўрэата Алеся Бяляцкага. Ён не звяртае ўвагу на такія рэчы як звароты, няхай і такіх вядомых людзей, Лукашэнка лічыцца толькі з сілай. І ў Варшаве гэта зразумелі і пачалі размаўляць з ім на зразумелай яму мове. (...)
эж