Міністр унутраных спраў і адміністрацыі Польшчы Томаш Сямоняк паведаміў, што пракуратура ў Познані вядзе расследаванне аб польскіх запчастак у іранскіх беспілотніках Shahed 136. Следчыя падазраюць, што былі парушаныя правілы экспарту зброі і тэхналогій. Кіраўнік МУС Польшчы лічыць, што гэта магло адбыцца ў выніку абыходу заходні санкцый, накладзеных на РФ:
- Справу распачало Агенцтва ўнутранай бяспекі. Відавочна, што выкарыстання польскіх запчастак – абсалютна непрымальна. Пракуратура правядзе следства, прад'явіць абвінавачанне і праінфармуе аб ходзе справы.
Гэта недапушчальна, аднак з пачатку працы нашага ўрада мы намагаемся ўважліва падыходзіць да ўсіх пытанняў, звязаных з санкцыямі. У мінулыя гады, нягледзячы на гучныя заявы, сістэма была вельмі ліберальная.
Іранскія беспілотнікі Shahed 136, якія Расія выкарыстоўвае ў вайне супраць Украіны, выкарыстоўваюць паліўныя помпы вытворчасці дзяржаўнага прадпрыемства «Завод камунікацыйнага абсталявання – Познань» (WSK – Wytwórnia Sprzętu Komunikacyjnego Poznań Sp. z o.o.), якое належыць Агенцтву прамысловага развіцця Польшчы. Помпы павінна была набыць іранская кампанія па вытворчасці трактароў, але іх усталявалі ў баявыя беспілотнікі.
Нагадаем, надоечы некалькі іранскіх беспілотнікаў заляталі і ў Беларусь, адзін з іх выбухнуў у Гомельскай вобласці.
iar/эж
