Сярод іншага пра гэта гаварыў Аляксандр Лукашэнка падчас сустрэчы з прадстаўнікамі ўкраінскіх СМІ ў чацвер, 26 верасня ў Мінску, піша «Наша Ніва». «Няма ў нас транзіту ўлады, размоў. Наш прэзідэнт будзе абраны толькі народам», – падкрэсліў Лукашэнка.
Кіраўнік дзяржавы заявіў, што «не прыглядае прэзідэнта». «Як прыглядаць? Гэта ты павінен убачыць. Не трэба хадзіць з біноклем або думаць кожны дзень, а хто. Я так не думаю», – сказаў ён.
Аляксандр Лукашэнка адзначыў, што будзе працаваць на пасадзе прэзідэнта столькі, колькі людзі яму давяраюць. «І пакуль ёсць здароўе. Калі нездаровы – так няма чаго сюды лезці. Галоўнае – здароўе і давер людзей», – лічыць беларускі кіраўнік.
«Я не прыглядаюся, дзе гэты прэзідэнт. Але ён недзе ёсць ужо. Я ж нявечны, і да смерці я прэзідэнтам не буду. Я проста хачу калі-небудзь пажыць, як усе людзі, – спакойна», – сказаў кіраўнік дзяржавы.
Адказваючы на пытанне пра дзяцей, Лукашэнка адзначыў: «Мае дзеці не пакутуюць на прэзідэнцтва – ні адзін, ні другі, ні трэці. Яны «наеліся» майго прэзідэнцтва».
эж