Беларусь – гэта зараз адзін з самых складаных кірункаў дзейнасці польскай дыпламатыі, лічыць кіраўнік Замежнай службы Польшчы. Сёння палякі адзначаюць Дзень замежнай службы. Пётр Рыхлік(Piotr Rychlik) нагадаў, што ў Беларусі ўлады пераследуюць польскую меншасць:
- Польскія дыпламаты стараюцца падтрымаць прадстаўнікоў польскай меншасці ў Беларусі, аднак, па аб’ектыўных прычынах, Беларусь зараз выключная зона для дыпламатычных дзеянняў. Таму мы не хочам гаварыць публічна пра любыя нашыя дзеянні.
Дзень замежнай службы – гэта свята польскіх дыпламатаў і супрацоўнікаў Міністэрства замежных спраў. Яно адзначаецца ў гадавіну падзеяў 16 лістапада 1918 года. У гэты дзень маршал Юзэф Пілсудскі адправіў лідарам ЗША, Францыі і Вялікабрытаніі тэлеграму, у якой паведамляў аб стварэнні незалежнай польскай дзяржавы.
IAR/аз
