Еўрапейскі парламент на паседжанні 22 студзеня прыняў рэзалюцыю «Неабходнасць дзеянняў, скіраваных на барацьбу з працяглымі рэпрэсіямі і фальшывымі выбарамі ў Беларусі».
Дакумент падтрымалі 567 з 658 еўрадэпутатаў, што бралі ўдзел у галасаванні, 25 выступілі супраць, 66 устрымаліся, паведамляе «Позірк».
Канчатковы тэкст рэзалюцыі пакуль не абнародаваны.
У апошнім праекце адзначалася, між іншым, што ЕП «адрынае легітымнасць будучых 26 студзеня 2025 года прэзідэнцкіх выбараў у Беларусі, называючы іх фікцыяй, закліканай умацаваць дыктатуру Лукашэнкі, і адмаўляецца прызнаць легітымнасць Лукашэнкі ў якасці прэзідэнта».
Таксама ў дакуменце ЕП «падкрэслівае неабходнасць правядзення ўважлівага расследавання злачынстваў, здзейсненых рэжымам Лукашэнкі супраць беларускага народа».
Еўрапарламент таксама «падкрэслівае сваю нязменную падтрымку дэмакратычных сіл па ўсёй Беларусі і заклікае да моцнага міжнароднага ціску, заклікаючы сусветную супольнасць ізаляваць рэжым Лукашэнкі і падтрымаць прадстаўнікоў беларускай грамадзянскай супольнасці як унутры краіны, так і ў выгнанні».
У дакуменце асуджаецца «гвалтоўная русіфікацыя беларускай культуры і гісторыі, разам з сістэматычным выключэннем беларускай мовы са школ і грамадскіх месцаў».
Дэпутаты ЕП таксама заклікалі «да неадкладнага і безумоўнага вызвалення ўсіх беларускіх палітвязняў»; «падкрэслівае важнасць супрацьстаяння зламысным дзеянням Лукашэнкі і Расіі, скіраваным на падрыў суверэнітэту і самабытнасці Беларусі».
аз