Прэс-служба лівійскай арміі выклала фотаздымкі падрыхтоўкі вайскоўцаў 36-га батальёна спецназа Лівійскай нацыянальнай арміі, якія, верагодна, праходзілі ў Беларусі ў канцы лютага 2025 году. На кадрах — вучэбны цэнтр МУС «Волаўшчына», паведамляе Радыё «Свабода».
Батальён падпарадкоўваецца сыну лідара арміі Садаму Хафтару. У паведамленні адзначаецца, што стажыроўка лівійскіх спецназаўцаў у Беларусі адбывалася па загаду кіраўніка ЛНА Халіфа Абу аль-Касіма Хафтара.
Сёлета Аляксандар Лукашэнка прымаў вярхоўнага галоўнакамандуючага Лівійскай нацыянальнай арміі (ЛНА) Халіфа Абу аль-Касіма Хафтара. Летась Лукашэнка сустракаўся з яго сынам Садамам Хафтарам, а пасля гэтага з’явілася інфармацыя аб пастаўках у Лівію беларускай зброі.
вс