Што адбываецца з «Радыё Свабода» цяпер? Аўтарытарныя рэжымы і іх прапагандысты медыя ўжо пахавалі. Яны з вялікай радасцю ўспрынялі навіну пра тое, што ЗША прыпынілі фінансаванне гэтага СМІ.
Праца журналістаў «Радыё Свабода» ў Беларусі на працягу апошніх дзясяткаў гадоў ніколі не была простай. Яны не атрымлівалі акрэдытацыі, іх затрымлівалі і праследавалі. А супраць 15 журналістаў распачалі крымінальную вытворчасць яшчэ ў 2024 годзе. Акрамя гэтага, дома ў сваякоў журналістаў сілавікі ладзілі ператрусы і выклікалі іх на допыты. Аб гэтым паведаміў у відэасюжэце журналіст медыя Дзмітрый Гурневіч.
Журналіст нагадаў таксама, што за кратамі дагэтуль застаюцца палітзняволеныя журналіст «Радыё Свабода» Ігар Лосік і былы журналіст Ігар Карней.
Дзмітрый Гурневіч падкрэсліў - нацыянальныя рэдакцыі «Радыё Свабода» ў тых краінах, якія ўсталёўвалі дэмакратыю, проста закрываліся, паколькі не было больш патрэбы ў іх працы. Так сталася між іншым, з польскай ці чэшскай службамі. Але Беларуская рэдакцыі надалей патрэбная, паколькі беларусам не хапае незалежнай інфармацыі.