Еўрасаюз зрабіў больш жорсткімі санкцыі супраць беларускага рэжыму. Прычыны — прэзідэнцкія выбары ў студзені, якія не адпавядалі дэмакратычным стандартам, рэпрэсіі супраць грамадзян і падтрымка нападу Расіі на Украіну.
У абноўлены чорны спіс з забаронай на ўезд у ЕС і заблакаванымі актывамі ўнесены 25 чалавек, шэсць кампаній і адна ўстанова.
Еўрасаюз увёў санкцыі супраць Цэнтрвыбаркама Беларусі, яго намеснікаў старшыні, сакратара і членаў.
Таксама ў спісе суддзі апынуліся пад санкцыямі за вынясенне шматгадовых палітычна матываваных прысудаў прадстаўнікам грамадзянскай супольнасці.
Ёсць у спісе і беларускія бізнесмены, і кіраўнікі дзяржкампаній, і палітыкі беларускага рэжыму. Што тычыцца прадпрыемстваў, у першую чаргу гэта кампаніі ваенна-прамысловага комплексу, ёсць прадпрыемства, якое спецыялізуецца на азартных гульнях у інтэрнэце, і манапаліст па арганізацыі латарэі ў Беларусі. У спісе таксама адно сельгаспрадпрыемства.
Агулам санкцыі, уведзеныя з 2020 года пасля фальсіфікацыі прэзідэнцкіх выбараў у Беларусі і жорсткіх рэпрэсій супраць грамадзян, цяпер ахопліваюць 310 фізічных асоб і 46 кампаній, устаноў і арганізацый.
ПР/юл