Знікла старшыня Каардынацыйнай рады Беларусі Анжаліка Мельнікава, інфармацыю пацвердзіла Міністэрства ўнутраных спраў і адміністрацыі Польшчы.
«Польскія службы атрымалі інфармацыю, што прадстаўнікі Каардынацыйнай рады Беларусі некалькі дзён не могуць выйсці на сувязь са старшынёй рады Анжэлікай Мельнікавай», — напісаў у суботу раніцай на платформе X прэс-сакратар Міністэрства ўнутраных спраў і адміністрацыі Яцэк Дабжыньскі.
Паводле польскіх службаў, дадзеная асоба ўжо шмат тыдняў знаходзілася за межамі Польшчы. Пры гэтым Яцэк Дабжыньскі запэўніў, што польскія службы будуць падтрымліваць службы іншых краін і Каардынацыйную рады Беларусі ў высвятленні месцазнаходжання спадарыні Мельнікавай.
Раней пра знікненне дзеяча беларускай апазіцыі паведаміў Беларускі праваабарончы цэнтр «Вясна». Паведамлялася, што таксама зніклі дочкі жанчыны 6 і 12 гадоў, якія жылі з ёй у Варшаве. У сваю чаргу партал «Наша Ніва» піша, што Анжэліка Мельнікава з'ехала з Польшчы з двума дзецьмі. Выданне высветліла, што пасля знікнення спікеркі Мельнікавай няма доступу да рахункаў Каардынацыйнай рады, якая нядаўна атрымала транш ад донараў — каля 100 тысяч еўра.
У сваю чаргу Каардынацыйная рады паведаміла, што ў звязку з немагчымасцю спікеркі Каардынацыйнай рады Анжэлікі Мельнікавай выконваць свае абавязкі, яе паўнамоцтвы часова перайшлі да Віцэ-спікеркі Стасі Гліннік.
Анжаліка Мельнікава пакінула Беларусь у 2020 годзе пасля затрымання падчас масавых антыўрадавых пратэстаў пасля фальсіфікацыі прэзідэнцкіх выбараў.
ПР/юл