Фінансавая справаздача «БелВітуніфарма» за мінулы год выдае рэальны стан прадпрыемства. Чысты прыбытак рэзка пайшоў у мінус: замест 100 тыс. рублёў па плане, прадпрыемства атрымала страту амаль у 10 млн рублёў. Экспарт тавараў зменшыўся на 7% у параўнанні з 2023 годам. Таксама знізілася і выручка ад рэалізацыі тавараў: 95,3% да ўзроўня 2023 года.
Прадпрыемства «БелВітуніфарм» - буйны вытворца ветэрынарных прэпаратаў. Аднак вядомы ён стаў пасля планаў па мадэрнізацыі, калі Аляксандр Лукашэнка ў 2021 годзе на базе віцебскага завода запатрабаваў пачаць выпускаць уласную вакцыну ад COVID-19.
Праводзіліся нават іспыты прэпарату «БелКовідВак», аднак вакцына гэтак і не паступіла ў беларускія паліклінікі. Дый патрэба ў ёй, па заявах Міністэрства аховы здароўя, ужо невялікая.
Таксама віцебскі завод стаў вядомы гучнымі заявамі па вынаходстве вакцыны ад «запояў і пахмелля». Навукоўцы заяўлялі пра прарыў у змаганні з алкагольнай залежнасцю. Але і тут, далей за лабараторныя выпрабаванні, працэс вытворчасці прэпарату не прасунуўся.
Для Беларускай службы Польскага радыё Святаслаў Бруйко, Віцебск
вс