«Гэта бяздарная правакацыя. Аднак афіцыйнага пратэсту ў гэтай справе мы не плануем», — так рэагуе МЗС Польшчы на рашэнне беларускіх уладаў забраць сядзібу Польскага асветнага таварыства ў Гродне і перадаць яе консульству, паведамляе RMF FM.
Раней у Гродне па адрасе Гараднічанская, 40 размяшчалася грамадская арганізацыя польскай меншасці «Польска Мацеж школьна» і грамадскі ліцэй імя Элізы Ажэшкі, дзе вывучалі польскую мову. Арганізацыю ліквідавалі ў 2022 годзе, будынкі канфіскавалі. У 2023 годзе нерухомасць выкупіў новы ўладальнік.
Беларускія ўлады абвінавацілі Macierz Szkolna ў запазычанасці па падатках, наклалі на яго вялізныя фінансавыя штрафы, а восенню 2022 года рашэннем Вярхоўнага суда ліквідавалі арганізацыю.
Улады выставілі на аўкцыён будынкі, дзе месціліся польская бібліятэка, гімназія і ўніверсітэт трэцяга ўзросту. У сакавіку туды пераехала расійскае консульства.
вх