Цягам некалькіх дзён па ўсёй Беларусі адбываецца хваля ператрусаў і праверак у былых назіральнікаў на прэзідэнцкіх выбарах у 2020 годзе. Акцыю запалохвання ладзіць Камітэт дзяржаўнай бяспекі Беларусі, – паведамляе Праваабарончы цэнтр «Вясна».
У людзей правяраюць тэлефоны і папярэджваюць аб крымінальнай адказнасці за «садзейнічанне экстрэмісцкай дзейнасці». З імі таксама запісваюць адмысловыя відэа.
Напрыканцы лістапада масавыя ператрусы па ўсёй краіне прайшлі ў прадстаўнікоў Каардынацыйнай рады і іх сваякоў. Следчы камітэт паведаміў, што падазраванымі па справе праходзяць больш за сто чалавек.
Нагадаем, 25 лютага ў Беларусі пройдзе так званы Адзіны дзень галасавання – выбары ў саветы дэпутатаў розных узроўняў.
эж