На адным з расійскіх палігонаў праходзяць заняткі па кіраванні ракетнымі ўдарамі, у якіх у тым ліку задзейнічаныя беларускія рэактыўныя сістэмы залпавага агню «Паланэз-М», паведамляе Міністэрства абароны Беларусі.
У рамках заняткаў плануюцца баявыя пускі на адлегласць у 300 км, паведамляе «Белсат».
«Праходзіць падрыхтоўка да кантрольнага занятку, у дадзены момант у ходзе правядзення спецыяльнай падрыхтоўкі выконваем навучальныя ракетныя ўдары», – кажа вайсковец на відэа, якім дзеліцца Мінабароны.
Вайскоўцы адточваюць навыкі ў разгортванні баявой машыны і падрыхтоўцы яе да пускаў, адзначае Мінабароны.
У лістападзе 2023 года міністэрства хвалілася, што на ўзбраенне беларускай арміі паступіў «найноўшы комплекс рэактыўнай сістэмы залпавага агню «Паланэз-М»».
РСЗА «Паланэз-М» беларускай вытворчасці – удасканаленая версія РСЗА «Паланэз».
«Асноўныя тактыка-тэхнічныя характарыстыкі РСЗА «Паланэз-М» палепшаныя ў параўнанні з папярэднікам і дазваляюць адной баявой машынай адначасова нанесці з высокай дакладнасцю ўдар па васьмі цэлях на адлегласць да 300 км. Гэта могуць быць камандныя пункты, арсеналы з боепрыпасамі, тэхніка і жывая сіла», – пісала Мінабароны.
«Паланэз-М» Беларусі патрэбны для «стратэгічнага стрымлівання», сцвярджала Міністэрства.
вс