Адказнікамі пазначаны фірмы Drillmec SPA, Forum energy technologies (UK) Ltd і Sercel S.A.S.
Гэта фірмы-вытворцы, удакладніў адзін з былых спецыялістаў прадпрыемства. У прыватнасці, Sersel вырабляе сейсмічнае абсталяванне, Drillmec – свідравыя ўстаноўкі. Цяпер гэтае абсталяванне замяняюць кітайскім.
Прадмет спрэчкі – «аб невыкананні або неналежным выкананні абавязацельстваў па дагаворах куплі-продажу пастаўкі тавараў»: недапастаўка, несвоечасовая пастаўка, разлікі за прадукцыю, тавары або паслугі. Верагодна, што размова ідзе пра непастаўленыя заходнімі высокатэхналагічнымі кампаніямі тавары ці паслугі беларускаму нафтаздабываючаму прадпрыемству ў выніку накладання на яго санкцый.
Нагадаем, у 2021 годзе ЕС унёс гомельскую кампанію ў санкцыйны спіс, што стварыла праблемы, у тым ліку з закупкамі з-за мяжы.
Крыніца рэгіянальнага медыя «Флагшток», звязаная з дзейнасцю Беларуснафты, паведаміла, што суды, відавочна, звязаныя з санкцыйнымі абмежаваннямі. Прынамсі тэхналогіі двух вытворцаў з трох выкарыстоўваюцца пры здабычы нафты ў кампаніі. Гэта Sersel для сейсмічнай разведкі і Drillmec для свідравання свідравін. На прадпрыемстве цяпер закупляюць кітайскія або расійскія аналагі заходняга абсталявання.
Паводле інфармацыі медыя, Мазырскі НПЗ сутыкнуўся з падобнымі праблемамі праз санкцыі, накладзеныя на беларускую галіну нафтаперапрацоўкі: многія аплачаныя пастаўкі замарожаныя.
«Флагшток»/вх
