4% дэпазітаў грамадзян нерэзідэнтаў у банках Грузіі – гэта ўклады беларусаў

Уклады замежных грамадзян у банках Грузіі выраслі на 8,5 млн лары, паведаміў Нацыянальны банк Грузіі.

Лaры - грашовая адзінка Грузіі.

Autorstwa საქართველოს ეროვნული ბანკი (National Bank of Georgia) - საქართველოს ეროვნული ბანკი (National Bank of Georgia), Domena publiczna, https://commons.wikimedia.org/w/index.php?curid=44741208

Аб'ём дэпазітаў фізічных асоб-нерэзідэнтаў у банках Грузіі па стане на верасень 2024 года вырас на 8,5 мільёна лары - да 120 мільёнаў лары, паведамляе старонка bm.ge.

Паводле справаздачы Нацыянальнага банка Грузіі, за апошні год памер сродкаў гэтай катэгорыі павялічыўся на 1,4 мільярда лары, а за апошнія 2 гады - на 2,58 мільярда лары.

Асноўны ўклад у павелічэнне ўносяць банкаўскія пераводы людзей, якія эмігравалі з Расіі. Паводле справаздачы Нацбанка Грузіі, 37 % дэпазітаў паступілі ад грамадзян нерэзідэнтаў РФ, 8% - ад Ізраіля, 7% - з Украіны, па 5% ад грамадзян Вялікабрытаніі і Кіпра, па 4% з Азербайджана і Беларусі.  Такім чынам атрмліваецца, што беларусы трымаюць у банках Грузіі каля 340 млн лары – гэта каля 124 млн долараў.

Уклады грамадзян іншых краін складаюць 23 %. Усяго ў грузінскіх банках фізічнымі асобамі адкрыты зберажэнні на суму 29,91 мільярда лары (амаль 11 млрд долараў ЗША), з іх 28,5 % прыпадаюць на долю ўкладаў нерэзідэнтаў.

аз