26 студзеня беларусы і беларускі збяруцца разам у Варшаве на форум «Беларусы годныя лепшага», каб падтрымаць і натхніць адзін аднаго.
Пра свой удзел у мерапрыемстве заявілі Святлана Ціханоўская, Павел Латушка, Юлія Чарняўская, Аляксандр Кныровіч, Аляксандра Ханевіч, Алана Гебрэмарыям, Сцяпан Пуціла, Андрэй Стрыжак, Роза Турарбекава ды іншыя. Удзельнікі будуць абмяркоўваць будучыню Беларусі. Выступленні спікераў дапоўняць выступленні музыкаў.
Сёння пачалася рэгістрацыя на форум праз форму на Google Docs. Арганізатары гарантуюць бяспеку дадзеных.
З мерапрыемства будзе весціся трансляцыя для гледачоў у Беларусі і па ўсім свеце. У звязку з чым, арганізатары рэкамендуюць выконваць меры засцярогі: выкарыстоўвайце маскі, шалікі і іншыя сродкі, каб засцерагчы сябе ад апазнання.
Крыніца: Светлана Тихановская/юл