З 13 па 15 красавіка ў рамках навучальнага збору тэрытарыяльных войскаў Гродзенскага раёна пройдзе камандна-штабное вучэнне, паведамляе Міністэрства абароны.
У ім прымуць удзел ваеннаабавязаныя, прызваныя з запасу, супрацоўнікі органаў унутраных спраў, а таксама добраахвотнікі народнага апалчэння.
Мэты вучэння — удасканаленне навыкаў афіцэраў па кіраўніцтве падпарадкаванымі сіламі тэрытарыяльнай абароны і навучанне асабовага складу зладжаным дзеянням пры рашэнні задач тэрытарыяльнай абароны.
Падчас вучэнняў плануецца адпрацаваць пытанні аховы і абароны аб'ектаў тэрабароны, барацьбы з дыверсійна-разведвальнымі групамі саперніка, забеспячэння мер ваеннага становішча, у тым ліку з удзелам народнага апалчэння.
Пры выкананні задач па знішчэнні дыверсійна-разведвальных груп умоўнага саперніка падраздзяленні тэрытарыяльных войскаў будуць узмоцнены артылерыйскімі падраздзяленнямі.
ав