У суботу ў цэнтры гораду адбудуцца 17-я Кракаўскія дні здароўя, а ў нядзелю – урачыстасці Сусветнага дня сэрца.
Паводле інфармацыі, прадстаўленай муніцыпалітэтам, у суботу на галоўнай плошчы сталіцы Малапольскага ваяводства будуць усталяваныя каля 16 намётаў, у якіх медычныя ўстановы і арганізацыі, якія прапагандуюць здаровы лад жыцця, запрапануюць кракавянам бясплатныя прафілактычныя агляды, а таксама кансультацыі па ахове здароўя.
Сусветны дзень сэрца будзе адзначацца на кракаўскай Галоўнай плошчы ў нядзелю. Для наведнікаў будуць працаваць спецыялісты-кардыёлагі, кардыяхірургі, дыетолагі, якія будуць праводзіць кансультацыі. Таксама можна будзе памераць артэрыяльны ціск, узровень цукру і халестэрыну ў крыві, масу цела.
«Прафілактыка, выяўленне фактараў рызыкі і павышэнне дасведчанасці з'яўляюцца ключавымі фактарамі падаўжэння жыцця і павышэння яго якасці. Менавіта таму мы праводзім прафілактыку насельніцтва», – сказаў кансультант Малапольскага ваяводства ў галіне кардыялогіі прафесар Пётр Падолец.
У выхадныя дні на Кракаўскім рынку пройдуць Дні здароўя ў рамках рэгіянальных Дзён прафілактыкі і здароўя.
Галоўнымі арганізатарамі зʼяўляюцца кракаўская мэрыя і Малапольскае ваяводства.
ПР/юл