Спікер польскага Сейма Эльжбета Вітэк накіруецца ў Прагу, дзе возьме ўдзел у канферэнцыі спікераў парламентаў краінаў Еўрасаюза. Асноўнымі тэмамі перамоваў будуць агрэсія Расіі супраць Украіны, роля супольнасці ў глабальным супрацоўніцтве і залежнасць краінаў-членаў ЕС ад таталітарных рэжымаў.
Падчас візіту Эльжбеты Вітэк у сталіцу Чэхіі, які працягнецца да аўторка, запланаваныя таксама двухбаковыя перамовы з кіраўнікамі парламентаў краінаў Еўрасаюза.
У панядзелак апоўдні запланаваная шматбаковая сустрэча Эльжбеты Вітэк са спікерамі парламентаў краін Балтыі – Эстоніі, Літвы і Латвіі, а таксама са спікерам парламента Даніі.
Канферэнцыя спікераў парламентаў краін Еўрасаюза пачнецца а 13.30 у панядзелак. Першыя дэбаты будуць тычыцца расійскага ўварвання ва Украіну.
У аўторак раніцай Эльжбета Вітэк возьме ўдзел у другой сесіі, прысвечанай ролі Еўрасаюза ў глабальным супрацоўніцтве і праблеме залежнасці краінаў-сябраў ад таталітарных рэжымаў.
Канферэнцыя спікераў парламентаў завершыцца прыняццем высноваў.
IAR/аз
