Больш за 200 адзінак тэхнікі прыме ўдзел у ваенным парадзе з нагоды Дня Войска Польскага

Будзе прадстаўлена больш за 200 адзінак ваеннай тэхнікі, больш за 90 самалётаў і верталётаў, а ўдзел у парадзе прыме больш за дзве тысячы вайскоўцаў.

Рэпетыцыю параду назіраў кіраўнік Міністэрства нацыянальнай абароны польшчы М. Блашчак, Варшава 13 жніўня 2023 г

Фота: PAP/Paweł Supernak

Міністр нацыянальнай абароны Польшчы Марыюш Блашчак заклікаў падзякаваць жаўнерам Войска Польскага за іх службу прысутнасцю на парадзе 15 жніўня.

З нагоды 103-й гадавіны Варшаўскай бітвы і Дня Войска Польскага ў Варшаве пройдзе вялікі ваенны парад. У ноч з суботы 12 жніўня на нядзелю 13 жніўня адбылася рэпетыцыя парада на Вісластрадзе ў Варшаве. Апошнію рэпетыцыю назіраў кіраўнік Міністэрства нацыянальнай абароны, які адзначыў, што сёлетні парад будзе адрознівацца ад папярэдніх:

-Мы зможам убачыць, як ідзе працэс мадэрнізацыі польскага войска. Такім чынам, у Паўднёвай Карэі будзе набытая самая сучасная тэхніка, напрыклад K-2 і гаўбіцы K-9, у ЗША танкі Abrams.

Будзе прадстаўлена больш за 200 адзінак ваеннай тэхнікі, больш за 90 самалётаў і верталётаў, у парадзе прыме ўдзел больш за дзве тысячы вайскоўцаў.

Сёлетняе святкаванне Дня Войска Польскага праходзіць пад лозунгам – «Моцная беала-чырвоная». Парад стане кульмінацыяй усіх мерапрыемстваў, якія суправаджаюць свята. Начная рэпетыцыя была не адзінай магчымасцю пабачыць войскі перад парадам.

13 жніўня споўнілася 103 гады з пачатку Варшаўскай бітвы, вынікам якой стала перамога польскага войска над Чырвонай Арміяй. Гэтая бітва вядомая як «Цуд на Вісле». Дзякуючы гэтай перамозе Польшча атрымала незалежнасць амаль на 20 гадоў і выратавала Заходнюю Еўропу ад камуністычнай рэвалюцыі. Варшаўская бітва 1920 г. стала пераломным момантам у польска-бальшавіцкай вайне, якая пачалася ў 1919 г.

iar/эж