Мы патрабавалі, каб «Група Вагнера» неадкладна пакінула Беларусь, а нелегальныя мігранты – памежную зону, заявіў кіраўнік Міністэрства ўнутраных спраў і адміністрацыі Польшчы Марыюш Каміньскі.
«Калі адбудзецца крытычны інцыдэнт на мяжы з Беларуссю, незалежна ад таго, польская гэта, літоўская або латвійская мяжа (...), мы прымем неадкладныя меры ў адказ», – сказаў кіраўнік польскага МУС.
Гаворка ідзе ў тым ліку пра закрыццё ўсіх памежных пераходаў на мяжы з Беларуссю. «Такія ж механізмы будуць дзейнічаць і на мяжы з Расіяй», – заявілі кіраўнік міністэрства ўнутраных справаў і адміністрацыі Марыюш Каміньскі і міністры з краінаў Балтыі.
Палітык паясніў, што такім інцыдэнтам будзе прымяненне зброі або масавае незаконнае перасячэнне мяжы.
Марыюш Каміньскі паведаміў, што ў панядзелак згаданыя патрабаванні ў лісце ў адрас уладаў у Мінску накіравалі кіраўнікі міністэрстваў унутраных спраў Польшчы, Літвы, Латвіі і Эстоніі.
аз