Міністр замежных спраў Польшчы рашуча асудзіў напады ХАМАСу на Ізраіль. «Гэтая беспадстаўная агрэсія і акты гвалту, асабліва ў дачыненні да мірнага насельніцтва, непрымальныя. Нашы думкі і малітвы з усімі, каго закранулі гэтыя жудасныя падзеі», – напісаў Збігнеў Рау ў сацсетках.
Раніцай палестынскі ХАМАС выпусціў па Ізраілі, як мінімум, 2,5 тысячы ракет, а байцы ўварваліся на тэрыторыю Ізраіля і ўзялі ў закладнікі мірных жыхароў.
Загінулі, як мінімум, 40 грамадзян Ізраіля, а 740 былі параненыя.
Такога маштабу аперацый палестынскія ісламісты не праводзілі ўжо шмат гадоў, каментуюць назіральнікі.
IAR/аз