Польская сістэма аховы здароўя атрымае з ЕС больш за 4 млрд 500 млн еўра

Гадавы бюджэт польскай службы аховы здароўя складае больш за 46 млрд 720 млн еўра.

Апаратура ў Аддзяленні хуткай медыцынскай дапамогі SOR Цэнтральнгай клінічнай бальніцы горада Познань

Marek Zakrzewski

Амаль 20 млрд злотых (больш за 4 млрд 670 млн еўра) з Нацыянальнага плану аднаўлення (НПА) будзе прызначана на патрэбы польскай службы аховы здароўя.

Намеснік міністра аховы здароўя Катажына Кацперчык сказала, што выдаткі будуць размеркаваныя на інвестыцыі і мадэрнізацыю медыцынскіх устаноў.

- 10 млрд злотых пойдуць бальніцам, 8 млрд – на інфраструктуру, гэта значыць, на лабараторыі, на даследаванні і развіццё, а таксама на сектар медыцынскай адукацыі і новыя тэхналогіі.

Эксперты падкрэсліваюць, што сродкі НПА павінны ў першую чаргу фінансаваць развіццё лічбавых тэхналогій і кібербяспекі ў сістэме аховы здароўя.

Звыш паловы дзяцей і падлеткаў у Польшчы маюць дэфекты зроку, часцей за ўсё гэта блізарукасць

Прагляд тэлевізара, праца за кампʼютарам, бесперапыннае ўзіранне ў экран смартфона, у тым ліку пры дрэнным асвятленні – гэта асноўныя прычыны пагаршэння зроку.https://t.co/d2vVKPcXjt pic.twitter.com/C7jJbQOUbH

— Польскае радыё (@ByPolskieradio) June 4, 2024

Гадавы бюджэт польскай службы аховы здароўя складае амаль 200 млрд злотых (больш за 46 млрд 720 млн еўра).

Нацыянальны план аднаўлення – гэта праграма па аднаўленні і інвестыцыях у розныя галіны грамадскага жыцця і эканоміку, мэта якой – дапамога членскім краінам ЕС у аднаўленні пасля пандэміі COVID-19. Фінансавыя сродкі для рэалізацыі НПА паступаюць са спецыяльнага фонду Еўрасаюза.

вс