Рэдакцыя OKO.press апублікавала вынікі журналісцкага расследавання, якое выкрывае метады вярбоўкі расійскімі спецслужбамі людзей для правядзення тэрарыстычных і дыверсійных дзеянняў у заходніх краінах, у тым ліку ў Польшчы.
Двое журналістаў OKO.press усталявалі кантакт з расійскім вярбовачным каналам у сацыяльнай сетцы Telegram.
Рэдакцыя вызначыла, што праз Telegram расійскія службы вярбуюць людзей для правядзення дыверсій у краінах Заходняй Еўропы, пры чым не толькі расіян. Тэхнічна вярбоўка простая, але кантраляваць «добраахвотнікаў» Масква не ў стане.
Расійскія службы цікавяцца інфармацыяй аб перамяшчэннях войска, ваенных транспартах і складах зброі. Аднак больш за ўсё плацяць за тыповыя дыверсійныя дзеянні, напрыклад, падпалы аб'ектаў крытычнай інфраструктуры.
За буйную тэрарыстычную аперацыю на Захадзе Расія прапануе тысячы долараў і выплачвае ўзнагароду ў крыптавалютах.
Расследаванне OKO.press паказвае, як расійскія службы пранікаюць у экстрэмісцкія арганізацыі і выкарыстоўваюць іх у сваіх мэтах. Журналістка атрымала дакументы, якія пацвярджаюць, што вярбуюцца як грамадзяне Расіі, так і замежныя грамадзяне. Гэтыя дзеянні ўяўляюць сур'ёзную пагрозу нацыянальнай бяспецы Польшчы і іншых еўрапейскіх краін.
«Гэта тэрарыстычныя дзеянні. Вельмі эфектыўны. На мой погляд, яны будуць станавіцца больш інтэнсіўнымі», — кажа былы кіраўнік Службы вайсковай контрвыведкі генерал Пётр Пытэль, якога рэдакцыя папрасіла пракаментаваць апублікаваныя матэрыялы.
«Расійскім службам, відаць, далі зялёнае святло на такую дыверсійную дзейнасць у Заходняй Еўропе. Расія стала тэрарыстычнай краінай, якая не прытрымліваецца ніякіх аператыўных прынцыпаў», зазначыў генерал Пытэль.
яс