Уладзімір Зяленскі прыбыў у Польшчу на мерапрыемствы ў Музеі Аўшвіц-Біркенаў

Уладзімір Пуцін, якога на мерапрыемствы ў Польшчу не запрасілі, выдаў адмысловую заяву з нагоды 80-годдзя вызвалення канцлагера Аўшвіц-Біркенаў.

Прэзідэнт Украіны Уладзімір Зяленскі

PAP/EPA/SERGEY DOLZHENKO

Прэзідэнт Украіны Уладзімір Зяленскі прыбыў у панядзелак у Кракаў на цырымоніі з нагоды 80-годдзя вызвалення нямецкага нацысцкага канцлагера Аўшвіц-Біркенаў. Пра візіт прэзідэнта Украіны ў Польшчу раней не паведамлялася.

Верагодна ў Польшчы Уладзімір Зяленскі плануе сустрэцца, у тым ліку, з прэзідэнтам Еўрапейскай рады Антоніа Коста і прэзідэнтам Францыі Эмануэлем Макронам.

Гаспадаром мерапрыемстваў у Асвенцыме з’яўляецца прэзідэнт Польшчы Анджэй Дуда. Як паведаміў у панядзелак кіраўнік Дэпартамента міжнароднай палітыкі прэзідэнта Мешка Паўляк, асобная сустрэча прэзідэнтаў Польшчы і Украіны з нагоды ўрачыстасцяў не плануецца.

Нагадваем, у цырымоніі на тэрыторыі Музея Аўшвіц-Біркенаў прымаюць удзел больш за 50 дэлегацый з усяго свету – прэзідэнты, прэм’еры, каранаваныя асобы. Прадстаўнікоў Расіі сярод іх няма. Расіі не запрасілі да ўдзелу ў мерапрыемствах з-за вайны супраць Украіны.

Між тым, на афіцыйным сайце Крамля было апублікаванае паведамленне, адрасаванае ўдзельнікам і гасцям цырымоніі ў Музеі Аўшвіц-Біркенаў. У тэксце заявы чытаем, што ў Расіі заўсёды будуць памятаць, што гэта менавіта Чырвоная армія вызваліла канцлагер Аўшвіц і разграміла поўнае зло. Уладзімір Пуцін параўнаў антысемітызм з русафобіяй і падкрэсліў, што сённяшнія расіяне з'яўляюцца «прамымі нашчадкамі і пераемцамі пакалення пераможцаў».

IAR/аз