Віцэ-прэм’ер і міністр лічбавых тэхналогій Кшыштаф Гаўкоўскі (Krzysztof Gawkowski) падкрэслівае, што фальсіфікацыя пасведчанняў асобы ў дадатку mObywatel караецца турэмным зняволеннем.
Палітык адрэагаваў такім чынам на інфармацыю аб тым, што ў інтэрнэце можна набыць фальшывыя электронныя дакументы. Падробленыя дакументы ў асноўным выкарыстоўваюцца маладымі людзьмі для пакупкі энергетычных напояў, алкаголю і тытунёвых вырабаў.
— Падробка лічбавай ідэнтыфікацыйнай карты забароненая і караецца гэтак жа, як і падробка звычайнага пашпарту. Некаторыя мяркуюць, што ў інтэрнэце ўсё знікне. Не! Не знікне, і за гэта пагражае турэмнае зняволенне.
Віцэ-прэм'ер дадаў, што сапраўднасць электроннага пасведчання можна лёгка праверыць. Для гэтага варта праверыць, ці рухаюцца рухомыя элементы пасведчання асобы і ці можна перамяшчаць выяву пасведчання пальцам. Віцэ-прэм'ер падкрэсліў, што самым прафесійным спосабам з'яўляецца праверка QR-кода чалавека, які прад'яўляе пасведчанне. Кожны, хто мае дадатак mObywatel, можа адсканіраваць QR-код, які пацвярджае сапраўднасць электроннага пасведчання іншага чалавека.
IAR/яс