Узмацняецца міграцыйны ціск на мяжы з Беларуссю. У сакавіку было зафіксавана больш спробаў нелегальнага перасячэння мяжы, чым за ўвесь люты – паведаміў Польскаму радыё прэс-сакратар галоўнакамандуючага Памежнай службы падпалкоўнік Анджэй Юзвяк:
- У лютым бягучага году зафіксавана каля 540 такіх спробаў. У сакавіку ўжо больш за 630. Мінулай ноччу мы зафіксавалі каля 80 мігрантаў, якія спрабавалі трапіць у Польшчу.
Толькі за мінулыя суткі прадухілена амаль 70 спробаў незаконнага перасячэння мяжы, службы спрабуюць затрымаць 13 чалавек. Надалей функцыянеры сустракаюцца з фізічным насіллем з боку мігрантаў.
Рост заўважны, таму трэба быць пільнымі, кажа Польскаму радыё Вітольд Сакала з Універсітэту імя Яна Каханоўскага ў Кельцах і аглядальнік «Dziennik Gazeta Prawna»:
- Магчыма гэта праверка нашай сістэмы, якая пасля папярэдніх крызісаў была ўзмоцненая. Хто ведае, ці гэта не спроба ўладаў Мінска (і Крамля, які стаіць за імі), праверыць, на колькі эфектыўная з’яўляецца ахова мяжы Польшчы і цэлай усходняй мяжы ЕС. Гэта было б лагічна. Гэта зброя, якую Масква выкарыстоўвае паслядоўна, і не першы раз.
З пачатку года зафіксавана амаль паўтары тысячы спроб нелегальнага траплення мігрантаў у Польшчу з Беларусі. Амаль усе яны былі спыненыя.
ав