Беларуская Служба

Камандуючыя еўрапейскімі кібервойскамі сустрэліся ў польскім Легіянове

29.03.2025 09:11
Фізічныя межы паміж краінамі не павінны быць перашкодай для аказання дапамогі ў выпадку пагрозы ў кіберпрасторы, заявіў PAP генерал-маёр Караль Моленда.
 CyberCo2025
Канферэнцыя CyberCo2025 у ЛегіяновеPAP/Wojska Obrony Cyberprzestrzeni

Камандаванне кібервойск і дыпламаты з 27 краін ЕС сустрэліся на гэтым тыдні ў Легіянова пад Варшавай.

Канферэнцыя CyberCo – Cyber ​​​​Commanders and Cyber ​​​​Ambassadors, арганізаваная ў рамках цяперашняга старшынства Польшчы ў Савеце ЕС, адбылася ў Кампанентным камандаванні сіл абароны кіберпрасторы Польшчы ў Легіянова пад Варшавай.

Акрамя камандуючых узброенымі сіламі краін ЕС, якія адказваюць за абарону кіберпрасторы, у канферэнцыі таксама прынялі ўдзел так званыя кіберамбасадары — дыпламаты, якія займаюцца пытаннямі кібербяспекі, у асноўным з МЗС. У канферэнцыі таксама прынялі ўдзел прадстаўнікі інстытутаў ЕС, у тым ліку Еўрапейскага абароннага агенцтва (EDA), Еўрапейскай службы знешніх дзеянняў (EEAS), Генеральнага дырэктарата па сетках сувязі, кантэнту і тэхналогій (DG CNECT) і Еўрапейскага ваеннага штаба (EUMS).

Кампанентнае камандаванне польскіх сіл кіберабароны (DK WOC) было афіцыйна створана ў 2022 годзе ў адпаведнасці з дамоўленасцямі, дасягнутымі на саміце НАТА ў Варшаве ў 2016 годзе. Зараз WOC налічвае больш за 6,5 тысяч салдат і супрацоўнікаў, якія служаць у Кампанентным камандаванні сіл абароны кіберпрасторы ў Легіянова і ў 13 падпарадкаваных падраздзяленнях, у тым ліку ў шасці рэгіянальных ІТ-цэнтрах.

ПР/юл