Пра інфармацыйную кампанію абвясціў прэм'ер-міністр Дональд Туск у сацыяльных сетках:
«Няма пераходу. Польская мяжа шчыльная», — сказаў кіраўнік урада ў відэа, апублікаваным на сайце X.
Старт кампаніі плануецца ў бліжэйшы час. Яе мэта — давесці мігрантам да ўсведамлення, што яны не патрапяць у Еўропу праз Польшчу. «Не верце кантрабандыстам, Лукашэнку і Пуціну. Яны хлусяць вам, калі кажуць, што шлях у Еўропу вядзе праз Польшчу. Гэта няпраўда», — сказаў Дональд Туск.
Прэм'ер-міністр не ўдакладніў, у якіх краінах будзе праводзіцца інфармацыйная кампанія, але вядома, што Расія «вярбуе» мігрантаў, якіх адпраўляюць да польскай мяжы ў такіх краінах, як Самалі, Эрытрэя, Емен і Эфіопія. Іх вязуць у Маскву, а потым у Беларусь.
Учора 180 чалавек спрабавалі нелегальна трапіць з Беларусі ў Польшчу. Супрацоўнікамі памежнай службы прадухілена больш за 150 такіх спроб. За дапамогу ў незаконным перасячэнні мяжы затрыманы чатыры чалавекі.
У 2022 годзе для абароны ад эмігрантаў на польска-беларускай мяжы працягласцю 186 кіламетраў усталявалі 5-метровы металічны плот. Ён абсталяваны камерамі і электроннымі датчыкамі.
IAR/вх