Намеснік прэм'ер-міністра Уладзіслаў Касіняк-Камыш выказаў спачуванні сем'ям і блізкім двух пажарных, якія загінулі падчас тушэння пажару ў горадзе Ніска (Падкарпацкае ваяводства). Міністр нацыянальнай абароны напісаў у сацыяльных сетках, што яго глыбока кранула трагедыя ратавальнікаў, якія адправіліся на дапамогу іншым, але не вярнуліся з выканання службовага абавязку.
— Вайскоўцы, а таксама прафесійныя пажарныя і пажарныя-добраахвотнікі — гэта адна вялікая сям'я. Сёння мы ўсе падзяляем адзін і той жа боль, — падкрэсліў Уладзіслаў Касіняк-Камыш.
Двое пажарных загінулі падчас тушэння пажару ў будынку крамы і склада, дзе захоўваліся запчасткі да сельскагаспадарчай тэхнікі. Полымя адрэзала ім шлях да адступлення.
IAR/нг