Плата за перапрацоўку паліэтылевых пакетаў была ўведзена ў Польшчы ў мінулым годзе, аднак гандаль знайшоў нішу, як ад гэтага выкруціцца. Кліенты польскіх крамаў напэўна заўважылі, што ў некаторых гандлёвых кропках ім прапанавалі платны пакет, а ў іншых давалі паліэтылевыя сеткі бясплатна.
Паколькі закон забараняў бясплатныя пластыкавыя пакеты таўшчынёй не больш за 50 мікраметраў, значная частка крамаў, і асабліва буйныя гандлёвыя сеткі, проста ўвяла ў абарачэнне больш тоўстыя пакеты. Аднак Міністэрства аховы навакольнага асяроддзя вырашыла спыніць гэтую практыку і памяняла правілы. І так, папраўка ў закон аб захаванні чысціні і парадку ў муніцыпалітэтах прадугледжвае, у прыватнасці, што:
- са студзеня 2020 года ўводзіцца плата за карыстанне пакетамі таўшчынёй 50 і больш мікраметраў;
- плата будзе спаганяцца з гандлю раз на квартал (у цяперашні час – раз у год);
- уводзіцца абавязак весці ўлік колькасці набытых і выдадзеных пакупнікам пластыкавых пакетаў у год. Рытэйлеры абавязаны таксама падрыхтаваць справаздачы - першая павінна быць пададзена за перыяд з верасня па снежань 2019 года.
Акрамя таго, да 31 снежня гэтага года прадпрымальнікі, якія працуюць у рознічным або аптовым гандлю, дзе выкарыстоўваюцца паліэтылевыя сеткі, павінны зарэгістравацца ў Базе дадзеных аб адходах. На практыцы гэта азначае, што зарэгістравацца павінны ўсе прадуктовыя крамы.
яс
