Сілы тэрытарыяльнай абароны Польшчы асвойваюць дроны

Беспілотнікамі FlyEye абсталяваны дзевяць брыгад тэрытарыяльнай абароны, агулам СТА валодае 12 такімі модулямі.

Жаўнеры СТА падчас працы з беспілотнікам

Крыніца:  @terytorialsi

Вайскоўцы Сілаў тэрытарыяльнай абароны Польшчы (СТА) выканалі тысячу гадзін трэніровачных палётаў на беспілотніках. Беспілотнай лятальнай платформай FlyEye абсталяваны дзевяць брыгад тэрытарыяльнай абароны, у цяперашні час СТА агулам валодае 12 такімі модулямі.

W ubiegłym roku #Terytorialsi zrealizowali blisko 1000 godzin lotów treningowych na mini BSL FlyEye, zarówno w ramach lotów treningowych jak i wsparcia kryzysowego oraz współpracy z innymi służbami.#ZawszegOTowi #Zawszeblisko pic.twitter.com/haaITBQSKh

— Terytorialsi - Zawsze gotowi, zawsze blisko! (@terytorialsi) February 24, 2021

Асноўныя задачы, якія выконвалі тэрытарыяльшчыкі з выкарыстаннем беспілотных лятальных апаратаў, – гэта забеспячэнне антыкрызісных дзеянняў, – сказаў прэсавы сакратар СТА палкоўнік Марэк Петшак:

-Асноўныя заданні такіх адзінак – гэта патруляванне межаў, маніторынг наступстваў прыродных бедстваў, а таксама назіранне за крытычнай інфраструктурай. У кожнай брыгадзе існуе група, якая прайшла адпаведную падрыхтоўка, прафесійна і бяспечна можа абслужваць беспілотнікі.

У рамках падтрымкі іншых сілавых ведамстваў вайскоўцы Сілаў тэрытарыяльнай абароны выконвалі летась, сярод іншага, патрульныя палёты над межамі з Беларуссю, Украінай і Літвой. Палёты дронаў каардынавала Памежная варта Польшчы. СТА таксама выкарыстоўвалі беспілотнікі падчас акцыі па тушэнні пажараў у раёне Бебжаньскага нацыянальнага парку.

iar/эж