Беларуска-польскую мяжу ў нядзелю спрабавалі нелегальна перасекчы 84 чалавекі, – паведамляе Памежная служба. За дапамогу ў незаконным перасячэнні мяжы затрыманыя тры чалавекі.
У раёне памежнай заставы ў Белавежы затрымалі ўкраінку, якая перавозіла трох афганцаў і еменца. У зоне памежнай заставы ў Дубічах Царкоўных затрымалі двух украінцаў, якія перавозілі чатырох нігерыйцаў.
Прэс-сакратар Падляшскага аддзелу памежнай аховы (POSG) у Беластоку маёр Катажына Здановіч заявіла ў панядзелак у эфіры Польскага Радыё Беласток, што з вясной, у сакавіку і красавіку, выразна бачна, што становіцца больш спробаў перасекчы мяжу супраць правілаў – найбольш спробаў за дзень у гэтым годзе – 159 – было зафіксавана ў пятніцу.
Працягваюцца спробы перасячэння мяжы па рэках. Здановіч расказала, што рэкі месцамі перакрытыя электронным шлагбаўмам, там ёсць камеры. Там стаяць патрулі, задзёнічаныя вайскоўцы.
Прэс-сакратар Падляшскага аддзелу памежнай аховы ў Беластоку маёр Катажына Здановіч дадала, што беларускія службы пастаянна накіроўваюць мігрантаў да мяжы, у тым ліку ў небяспечныя месцы, такія як тэрыторыя запаведніка Белавежскага нацыянальнага парку, водна-балотныя ўгоддзі і рака Свіслач. Нярэдка спроба перасячэння мяжы робіцца ў адным месцы, каб адцягнуць увагу польскіх службаў ад іншага месца, дзе робіцца іншае, напрыклад, пераадоленне металічнай агароджы.
«Надвор'е добрае. Вы бачыце, што беларускія службы ўсё яшчэ хочуць весці гэтую гібрыдную вайну», – сказала Здановіч. Прэс-сакратар POSG дадала, што на беларускім баку мяжы мігрантаў больш. Яна сказала, што гэта людзі, якія трапляюць у Расію па візах, а з Расіі іх арганізаванымі групамі вязуць, напрыклад, у Менск. «Яны чакаюць адпаведных указанняў і арганізуюцца на нелегальны пераход непасрэдна на мяжы з Беларуссю», – сказала Катажына Здановіч.
Прадстаўніца POSG паведаміла, што ў сакавіку ў Польшчу з Беларусі спрабавалі нелегальна трапіць мігранты з 30 краін, у асноўным афрыканскіх. У асноўным гэта мужчыны ва ўзросце 20-40 гадоў. «Жанчыны ёсць, але сапраўды эпізадычна. Справа ў тым, што гэтыя людзі павінны быць моцнымі, каб пераадолець агароджу і потым прайсці гэтую складаную мясцовасць, але іх таксама падтрымліваюць арганізатары. Можна сказаць, што гэта арганізаваныя групы. Большасць з гэтых людзей накіроўваецца ў Германію, Нідэрланды ці Францыю», – распавяла Катажына Здановіч.
Паводле звестак Памежнай службы, у 2023 годзе за дапамогу ў незаконным перасячэнні мяжы затрымана больш за дзвесце чалавек.
PAP / вх
