Апазіцыя абвясціла сенацкі пакт на парламенцкіх выбарах

У рамках пагаднення апазіцыйныя партыі будуць вылучаць сумесных кандыдатаў у Сенат.

Палітыкі апазіцыі пасля падпісання сенацкага пакту

PAP/Tomasz Gzell

«Мы дасягнулі пагаднення па ўсіх 100 акругах», – заявіў сенатар і былы мэр горада Глівіцэ Зыгмунт Франкевіч, абвяшчаючы сенацкі пакт.

У кожнай выбарчай акрузе будзе адзін кандыдат і толькі за гэтага кандыдата галасуюць усе. У мінулых выбарах такая дамоўленасць дазволіла апазіцыі атрымаць большасць у Сенаце.

У сенацкім пакце ўдзельнічаюць: «Грамадзянская платформа», «Польская сялянская партыя», «Польшча 2050», Новыя левыя сілы і Рух мясцовага самакіравання «Так! Для Польшчы».

Старшыня «Грамадзянскай платформы» Дональд Туск падкрэсліў, што гэта важны дзень. «Пасля вельмі цяжкай і інтэнсіўнай працы мы вылучылі сумесных кандыдатаў у сенацкі пакт – у гэты надзвычай эфектыўны дэмакратычны праект на выбарах у Сенат. Але гэта таксама мае сімвалічнае вымярэнне. Я перакананы, што гэтак жа, як мы з узаемнай павагай і разуменнем уласных рацый здолелі скласці агульны спіс у Сенат, так і пасля выбараў нам будзе прасцей наладзіць супрацоўніцтва. Я перакананы, што гэта будзе пасля перамогі на выбарах, таму гэтая адказнасць будзе яшчэ большай», – адзначыў ён.

ав