PKP Intercity паведамляе пра змены ў раскладзе руху, якія ўступяць у сілу 1 верасня.
Прыемныя навіны для пасажыраў, якія карыстаюцца зносінамі паміж Лоддзю і Беластокам. Перавозчык адкрые новае спалучэнне па гэтым маршруце. Цягнік пройдзе яго за дзве гадзіны пяцьдзясят хвілін.
Таксама зменшыцца час у дарозе па маршруце Варшава-Шчэцін. Цягнік пад назвай Sedina пераадолее шлях ад сталіцы да Шчэціна за 4 гадзіны 32 хвіліны, што прыкладна на паўгадзіны менш, чым цяпер.
Час па маршруце да Варшавы з Познані - 2 гадзіны 18 хвілін. Падобны час у дарозе будзе і ў цягніка па маршруце Варшава - Познань - Шчэцін.
У вераснёўскім раскладзе захаваюцца высакахуткасныя злучэнні па маршруце Варшава - Труймяста. Час у шляху - дзве гадзіны дваццаць пяць хвілін.
Дарога з Варшавы да Вроцлава таксама зойме менш часу. Гаворка ідзе пра злучэнне EIC Lech. Цягнік будзе курсіраваць праз Познань, што дазволіць скараціць час у дарозе паміж сталіцамі Вялікапольскага і Ніжнесілезскага ваяводстваў - 1 гадзіна 18 хвілін.
З 1 верасня спыняецца рух цягнікоў па маршрутах Лембарк - Слупск, Астравец -Свентакшыскі - Сандамеж. На гэтых участках чыгуначнікі ўвядуць зменны аўтобусны транспарт.
IAR/вх